Berpirsên Amerîkî got Wezareta Ewlekariya Niştimanî ya Amerîka dest bi veguhestina sedan koçber kir ji başûrê wîlayeta Texasê bo bajarê San Diego yê wîlayeta California ji bo proseya vekolîn û karkirina li ser belgeyên wan.
Berpirsên gumrig û parastina sînor rastî jimarên mezin ên koçberan bûne ku doza penaberiyê li Amerîka dikin.
Bêhtirî nîv milyon kesên ku daxwaza penaberiyê li Amerîka dikine, ji meha dehan a sala borî ve li ser sînorê Amerîka yê başûr hatine rawestandin.
Berpirsên koçberiyê dibêjin wê heftê sê geştên esmanî koçberan ji Texasê bibin San Diego û her geştek wê herî kêm 130 kesî hilgire.
Raportên medyayî dibêjin ajansên koçberiyê her wiha didine berçavan ku ji bo proseya taqîkirinê, koçberan bişînin bajarên din ên seranserî Amerîka .
Hîn ne zelal e çi pîvanên ewlekatiyê hatine danîn ji bo veguhestina van kesên bê belge bo seranserî Amerîka.