Wezîrê Berevanîyê yê Amerîka Lloyd Austin destûr daye artêşê ku hebûna xwe ya li Rojhilata Navîn bi kanînên piştgirîya esmanî yên "berevanî" xurttir bike û hêzên din jî jibo şandinê bixe rewşa amadebûna zêdetir, Pentagonê roja Yekşemê ragihand.
Ev biryara Amerîka ji alîyê berdevikê Pentagonê General Patrick Ryder ve bi daxuyanîyeke hat dîyarkirin.
"(Austin) jibo şandinê asta amadebûna hêzên din yên Amerîkî zêde kir, û amadebûna me ya jibo bersivdana li hember bûyerên cihêreng zêde kir," Ryder got.
Di daxuyanîyê de agahî nehat dayîn ku wê artêşa Amerîka kîjan amûrên esmanî yên nû li Rojhilata Navîn bi cîh bikin.
"Wezîr Austin eşkere kir ku ger Îran, hevkar û alîgirên wê gavê jibo armanckirina karmend û berjewendîyên Amerîkî li herêmê bikar bînin, wê Amerîka jibo parastina gelê me hemî tedbîrên pêwîst bigire," Ryder got.
Jêder: AFP
