Wezareta Berevanî ya Amerîkayê piştrast dike ku Rûsya li Sûrîyê bingeheke leşkerî ya esmanî ava dike.
Berdevkê Pentagonê Jeff Davis do Duşemê got ku liv û tevgera personel û alavên Rûsî li devereke nêzîkî Lazqîya heye û ew jî nîşan e ku bingehek li wê derê tê ava kirin.
Ajansên ragihandinê yên Rojavayî jî ji zarên karbidestên Amerîkî ragihand ku Rûsyayê top û heft tankên T-90 şandine firîngeheke nêzîkî Lazqîya.
Pentagonê hefteya borî jî gotibû ku Rûsya 200 karmendên hêzên deryayî û xanîyên seyar yên bo 1500 kesan û herwiha çekên curbicur şandine Sûrîyê.
Balyozê Sûrîyê li Rûsya Riad Haddad ser raportên ser hebûna hêzên Rûsî li wî welatî wek “derew” nav kir.