Roja Pêşemê berî cîvîna Viyenna bê destpêkrin, wezîrê ragihandina Sûrîyê Omer Al Zoghby di axiftina xwe ya di Al-Ikhbar TV de, Arabistana Saudî weke tawanbar di şerê Sûriyê dît û got" Arabistana Saudî nikare hîç rolek berhemdar di pirsgirêka Sûriyê de bibîne, jiber ku, wê dest di riştina xûna Muslimanan de heye li Sûriyê, Yemen û Iraqê".
Al Zoghby ev rexnên xwe arastey Arabistana Saudî kirin, berîya beşdarî civîna Viyenna bibe ku dê aliyên sereke yên weke Amerîka, Rûsiya, jibo cara yekê Îran û Arabistana Saudî bi hevre beşdarî civînê bibin.
Rojekê berî civînê wezîrê derve yê Arabistana Saudî, Adel Jubeir got bû, di çarerserî û veguhastina siyasî de li Sûriyê, divê Assad hîç rolekî nebîne, ev jî bibû ciyê rexne û nerazîbûna karbidestên Sûrî.
Wezîrê derve yê Rûsiya da zanîn ku, divê hemû aliyên beşdar di civîna Viyenna de, hevraman bin , jibo rewşa navxweya Sûriyê û şerê ku ev pitir ji çar salne tê berdewam kirin, çareseriyek jê re bê dîtin û Sûriya aram bibe, ev gotin liser zarê Maria Zakharavoa peyvadra wezîrê derve yê Rûsiya hatin kirin.
Wek tê zanîn wezîrê karê derve yê Amerîka John Kerry û hevpîşeyê wî yê Rûs Sergei Lavrov, herweha welatên herêmê yên xwedî bandor tevî niwênerê dewleta Sûrî û hêzên Opozisyonê dê di civîna Viyenna de di beşdar bin.