Hejmara kesên jiber vîrusa korona jîyanên xwe ji dest dane 870 hezar derbaz kir.
Li gor agahîyên dawî yên Zanîngeha Johns Hopkinsê, li seranserê cîhanê 871,182 kesan bi vîrusa korona jîyanên xwe ji dest dane.
Amerîka bi pirtir ji 187 hezar mirinên ji vîrusa korona li cîhanê di rêza pêşî de ye.
Li dû Amerîka, bi 124,614 mirinan Brezîlya, û li dû wê jî bi 68,472 mirinan Hîndistan tê.
Li seranserê cîhanê pirtir ji 26,4 mîlyon kes bi vîrusa korona ketine ku Amerîka di hejmara pêketîyan de jî bi 6,1 mîlyonan li pêş e.
Li Brezîlya pirtir ji 4 mîlyon, li Hîndistanê bi qasî 4 mîlyon û li Rûsya jî pirtir ji 1 mîlyon kes bi vîrusa korona ketine.
Vîrusa korona di Berfanbara borî de li Wuhan ya Hubei ya Çînê derketibû û ji wir derbazî dewletên din bûbû.
Agahîyên Zanîngeha Johns Hopkinsê raber dikin ku li Çînê bi qasî 90 hezar kes bi vîrusa korona ketine û 4,728 kes bi wê mirine.