Lînkên eksesibilîtî

Breaking News

IHD: Îsal Heta Niha 1721 Binpêkirinên Mafên Mirovan li Wanê Çêbûne


Komela Mafê Mirovan (IHD) ya şaxê Wanê, rapora binpêkirina mafên mirovan ya 9 mehan bi preskonferansekê eşkere kir.

Serokê IHD’ê yê şaxê Wanê Murat Melet got ku li Wanê ji serê sala 2020’an vir ve 1721 car mafên mirovan hatine binpê kirin.

Melet da zanîn ku li bajêr bi biryara walîtîya 1548 roj in xwepêşandan û hemî çalakî qedexe ne û mafê azadîya raman tê binpê kirin.

“Hember dezgehên ragihandinê û rojnamevanan zextên hêzên ewlekarîyê zêde bûne. Di nava 9 mehan de dehan rojnamevan hatine binçav kirin û 4 rojnamevan jî hatine zindan kirin.”

Melet bal kişand ser rewşa girtîyên li zîndana tîpa F ya Wanê ku jibo daxwaza rakirina zextên ser wan 33 roj in di greva xwebirçîkirînê de ne.

Herwiha di raporê de tê gotin ku ji serê sala 2020’an vir ve li bajarê Wanê û li ser sînorê di navbera Tirkîyê û Îranê de 75 penaber canên xwe ji dest dane.

please wait

No media source currently available

0:00 0:03:41 0:00

Şîroveyan bibîne

XS
SM
MD
LG