Serok Amerîka Joe Biden dê kevneşopiyek Washingtonê ya Şîva Komeleya Nûçegihanên Koşka Spî roja Şemiyê bi şev ji nû ve dest pê bike û dê te axaftinekê pêşkêş bike wek yekem serokê ku ji sala 2016an ve di boneya salane de diaxive.
Piştî ku ji ber pandemiya COVID-19 du salan hatibû rawestandin û ji aliyê Donald Trump ve hatibû boykotkirin, ev bone îsal bi dilxweşî vedigere û komîdiyê Amerîkî Trevor Noah tê de beşdar dibe.
Zêdetirî 20 paliyên girêdayî WHCA li Washingtonê berê û piştî boneyê têne organîzekirin û gelek rayedarên payebilind ên rêveberiyê jî beşdar dibin.
Lêbelê, zêdebûnek vê dawîyê ya bûyerên COVID-19 li Washingtonê, hişyariyek li dor şîva Koşka Spî derxistiye holê.
Rêkxerên vê boneyê daxwaz dikin ku her beşdarek ji bo vîrusa koronayê were têstkirin û hin berpirsên radebilind, di nav de jî Dr. Antony Fauci, beşdar nabin.
Koşka Spî got ku Biden dê tedbîrên zêde bigire û dê tenê li beşê axaftinê amade be, ne beşê şîvê.
Tê pêşbînkirin ku dora 2,600 rojnamevan, karbidestên Washington û navdar beşdarî vê boneyê bin.
Komeleya Nûçegihanên Koşka Spî di sala 1914an de hatiye damezrandin û hema hema her sal boneya şîva Koşka Spî li dar xistiye.
Jêder: Reuters