Lînkên eksesibilîtî

Breaking News

WHO Jiber Zêdebûna Pêketinên COVID-19 Pir Xembar E


Serokê Rêxistina Saxlemî ya Cîhanê (WHO) Tedros Adhanom Ghebreyesus

Serokê Rêxistina Saxlemî ya Cîhanê (WHO) Tedros Adhanom Ghebreyesus îro Duşemê dîyar kir ku sazîya N.Y. jiber zêdebûna bûyerên vîrusa korona yên bi taybet jî li Ewrupa û Amerîkaya Bakur pir bi fîkar e, û got ku karmend û sîstemên saxlemîyê pir têne zor kirin ku ber bi hilweşandinê diçin.

Hevdem, Ghebreyesus ser nûçeyên kelecanî yên peydakirina vaksînên COVID-19 de hêvîyên xwe anî ziman û got ku ew di derbarê rêk û alavên nû yên şerê hemberî pandemîya vîrusa korona yên di mehên bê de dibe ku derkevin holê d e xwedîyê geşbînîyeke hîşyardar e.

Serokê WHO Tedros jiber tekîlîya bi kesek ku bi COVID-19 ketibû re, wek tedbîrek bo 2 heftayan di karantînayê de bû û piştî vê peyvajoyê cara yekê hat avahîya navenda sereke ya WHO û bi rojnemvanan re peyivî.

Wî dazanîn ku ti nîşanên wî yên nexweşîyê pêknehatîye.

Berîya her tiştî, serokê WHO jibo karmendên lênihêrîna saxlemîyê yên li gelek welatan xemgînî û fîkarên xwe diyar kir.

Xebatkarên saxlemîyê bi sedema zêdebûna hejmara pêketîyên vîrusê yên li nexweşxaneyan û herwiha jiber carcaranan nexweşên COVID-19 bi balafirgehan dişînin nexweşxaneyên din, rûbirûyê zahmet û dijwarîyên mezin de ne.

Tedros ragihand ku wî testa xwe ya COVID-19 çênekirîye û got ku ew li gor rêgezên WHO ev ne pêwîste jiber ku laşê wî de, ti nişaneke xûya nekirîye.

XS
SM
MD
LG