Wezîrê Derve yê Amerîkayê Marco Rubio roja Şemîyê ligel Serokê Herêma Kurdistanê Nêçîrvan Barzanî di çarçoveya Konferansa Ewlekarîyê ya Munichê li Almanyayê civîya.
Barzanî spasîya Rubio kir "ji bo berdewamîya piştevanîy Amerîkayê ji Îraq û Herêma Kurdistanê" re û bal kişand ser "kûrahîya hevkarîya me ya stratejîk ku li ser berjewendîyên hevbeş û pabendbûna hevbeş ji bo aramîya herêmî hatiye avakirin."
Serokatîya Herêma Kurdistanê di daxuyanîyekê de got ku Wezîrê Derve yê Amerîkayê "pabendîya welatê xwe ji bo piştgirtina Îraq û Herêma Kurdistanê û parastina aştî û aramîyê li herêmê tekez kir û pesna helwesta Herêma Kurdistanê da wek hevkareke serekî û faktorekî aramîyê."
Serokatîya Herêma Kurdistanê got ku di civînê de rewşa Sûrîyê û mafên Kurdan li welêt hatin gotûbêjkirin û tê de "herdu alîyan tekezî li ser parastina mafên Kurdan û pêkhateyên li Sûrîyeke yekbûyî kirin."
Senator Lindsey Graham û şandeje Kongresa Amerîkayê jî roja Şemiyê bi Barzanî re civiyan.
Li gor daxuyanîya serokatîya herêma Kurdistanê di wê kombûnê de peywendîyên Amerîka ligel Îraqê û Herêma Kurdistanê û pêşxistina hevkarîya di navbera herdu alîyan de hatin gotûbêjkirin.