Follow Us
Yaneya Kobanîyê ya werzîşê destûr ji hikûmeta Sûrîyê stand ku navê wê êdî bi fermî li şûna Eyn el-Ereb bibe Kobanî. Ji niha û pêve dê lîstikvanên yaneyê li ser asta Sûrîyê bi navê Kobanîyê beşdar bibin.
Heta niha jî hin siyasetmedarên tevgera Kurd li Sûrîyê diyar dikin ku ew ne li dijî hikûmeta demkî ne. Hinek ji wan jî xwe wekî beşek ji vê hikûmetê dibînin ku ew jî beşdarî avakirina dewleta Sûrîyê nû ne. Sedem çi ye ku li Rojava partîyên opozisyona dijî hikûmetê nînin?
Serokatiya Zanîngeha Kobanîyê ji bo Dengê Amerîka: Heke Wezareta Xwendina Bilind ji biryarên xwe paşve gav neavêje, em ê entegresyonê red bikin. Û xwendekarên Kobaniyê bi daxuyaniyekê biryarên wezareta Sûrî red dikin. Raporta Ridwan Bêzar û hûrgiliyên derbarê mijarê de.
Cemal Elî gencekî bajarê Kobanîyê ye ku 5 salan madeyên hişbir dikêşandin û di encamê de gihîşt qonaxekê ku êdî dixwest kesûnasên xwe bikuje. Ew niha xwe derman dike û bang li her kesekî dike ku ji wan madeyan dûr bikeve.
Li Gir û Kaşên Miştenûrê ku ciyê herî navdar yê şerên canfîdayîya şervanên kurd e li dijî terora Daişê, niha Kobanî dixwazin wê herêmê bikin keskatî û daran lê biçînin.
Bi dehan malbatên koçber ên ji Minbic, Girê Spî û Reqayê di nav kavilên Muzexaneya Kobanîyê di şertên giran de dijîn. Berîya zivistanê, ev malbat banga alîkarîyê dikin. Hûrgulîyên zêde di raporta Rîdwan Bêzar de ne.
Şanda Partîya Wekhevî û Demokrasîyê ya Gelan (DEM Partî) di serdaneke çend rojî de li bajarê Kobanîyê bû. RIdwan Bêzar ji Kobanîyê agahîyên derbarê serdanê radigihîne.
Li bajarê Kobanîyê dizîna kelûpelan her diçe zêde dibe, û rûspiyên eşîran li bajêr û gundewarên Kobanîyê li çareserîyên rêgirtina li ber vê diyardeyê digerin. Raporta Ridwan Bêzar agahîyên bêhtir hene.
Dayîkên xwendekaran li Kobanîyê daxwaz dikin ku xizmetkarîyên weke sotemenî û rêyên veguhastina xwendekar û zarokên wan were baş kirin.
Ji ber bihabûna buhayê sotemenîyê, xelkê Kobanîyê xwe dispêrin sobeyên daran. Lê çalakvan metirsîyên bikaranîna van sobeyan li ser jîngehê tînin ziman.
Li bajarê Kobanîyê, komeleya alîkarîya kesên xwedî pêdivîyên taybet dibêje xizmetên wê ji bo van kesan sînordar bûne. Ev yek bûye sedem ku bi sedan kesên astengdar li bajêr bê alîkarî bimînin.
Xwendekarên ku bawernameya amadeyî standine, ji ber derengmayîna vekirina deriyê tomarkirinê li Zanîngeha Kobanîyê bi xem in û serokatîya zanîngehê jî derengmayînê bi pêvajoya întegirekirina nava Wezareta Xwendina Bilind ve girê dide. Ridwan Bêzar bêhtir agahî hene.
Daxuyaniyên Hevserokê Konseya Rêveber a KCK'ê Cemîl Bayik derbarê Rojavayê de û rexneyên wî yên li hemberî Mazlûm Ebdî, di nava Kurdan de bûye ciyê gotûbêjan.
Diyardeya belavbûna kûçikên bêxwedî li Kobanîyê û gezkirina wan a welatîyan bûye cihê metirsî û xeman li cem xelkê bajêr. Ew dibêjin pêwîst e desthilkatdar di zûtirîn dem de çareserîyekê ji wan kûçikan re bibînin. Raporta Ridwan Bêzar zanyarîyên bêhtir hene.
Li Kobanîyê sê dibistanên taybet destûrê ji parêzgeha Helebê werdigirin û zarokan pêşwazî dikin. Tevî ku avahiyên wan ne li gor pîvanên temam yên jiyaneke nûdem in, lê ev yek jî daxwaza başkirina xwendinê li dibistanên giştî ji aliyê kesên xwedî dahatên sînorkirî ve derdixe holê.
Çanda danîna deqan li ser rû û laş di nav xelkê Kobanîyê de bi nifşan vedigere paş. Ew di sedsala borî de pir kêm bû, lê nifşê niha dîsa lê vegerîyaye. Raporta Ridwan Bêzar bêhtir agahî hene.
Piştî bûyerên çend rojên dawiyê welatîyên Kobanîyê derbarê rewşa ewlekarîya li herêmê bi fikar in û tirsa wan heye ku carek din rojên tarî û bê aramîyê bi ser wan de werin. Raporta Ridwan Bêzar ji Kobanîyê pêzanînên bêhtir dide.
Bermahîyên şer û wêranîya avahîyan bûne kelem li pêş vegera malbatên derbider ên herêma Girê Sipî, û komîteya vegerandina koçberên Girê spî jî dibêje divê hikûmeta Sûrîyê sozên xwe di vê derbarê de pêk bîne. Raporta Ridwan Bêzar bêhtir agahî hene.
Pirtir bar ke
