Wezîrê Derve yê Îranê Huseyîn Amir-Abdollahian îro Yekşemê got ku rêkeftinek "nêzîk" e di danûstandinên hatî rawestandin da ji bo vegerandina peymana navokî ya sala 2015an di navbera Tehran û hêzên cîhanî da.
Îran digel Fransa, Almanya, Brîtanya, Rûsya û Çînê rasterast, û digel Amerîkayê jî bi awayekî nerasterast, ji bo vejandina peymanê, ku bi fermî wekî Plana Çalakiya Berfireh ya Hevbeş (JCPOA) dihêt zanîn, beşdarî danûstandinan bûye.
Li gorî daxuyaniya wezaretê, Amir-Abdollahian bi pêwendiya telefonî gotîye Sekreterê Giştî yê Neteweyên Yekgirtî Antonio Guterres , "Em di danûstandinan da nêzîkî pêkhatinê ne."
Wezîrê Derve yê Îranê her wiha got: "Me pêşniyarên xwe yên li ser mijarên mayî bi rêya endamê payebilind yê Yekîtiya Ewropayê gihandine aliyê Amerîkayê û nûke em li benda bersiva Amerîkayê ne."
Li gorî daxuyaniya Îranê, Guterresî bal kişandîye ser girîngiya hevdîtinên Viyanayê û hêvîyên xwe dîyar kirine ku di zûtirîn dem da hemû alî bigihin rêkeftinekê.
Vê jî bixwîne: Le Drian: Hêzên Cîhanê û Îranê bo Peymanê Navokî Nêzî Lihevkirinê Ne Vê jî bixwîne: Yair Lapid: Îsraîl Û Amerîka Ji Bo Pêşîgirtina Îranek Navokî Dê Pêkve Bixebitin Vê jî bixwîne: Robert Malley: Ambargoyên Ser Pasdarên Şoreşa Îranê Dê Bidomin Vê jî bixwîne: Josep Borrell Dibêje Rêkeftina Navokî Ya Îranê Pir Nêzîk e