Karbidestên hêzên parastinê yên Îraqê dibêjin serhildayan îro êriş birîne ser Şî’eyên rêwîyên kombûneke olî li bajêrê Karbala yê pîroz û bi kêmî ve 110 mirov kuştîne, gelek jî birîndar kirîne.
Karbidestên polîsan dibêjin li bûyera dawîn 2 êrişkerên xwekuj nêzîkî bajêrê Hulle, li başûra Bexdayê, xwe linav Şî’eyên oldar yên li ser rêya Karbala peqandîne û nêzîkî 90 mirovan kuştîne, 160 jî birîndar kirîne.
Berî hingê çekdaran bi gulle û bombeyan havête ser Şî’eyên rêwîyên Kerbala û 22 mirov kuştin.
Ew Şî’eyên oldar ji bo bibîrînana dewresala çilleya kuştina Huseynê nevîyê Mihemmed pêxemberî diçine Kerbala.
Li herêma Baduş linav Musil û Tel’afar, çekdaran bi ser zindanekê da girt û nêzîkî 140 girtîyan jê rizgar kirin. Polîsê Îraqê neşîya koma çekdaran û alîkarî ji leşkerê Amerîka xwest.
Li Bexdayê jî, bombeyek li nêzîkî niqteya parastinê peqîya û bi kêmî ve 4 serbazên Îraqî kuştin.
Hêzên Amerîkî û Îraqî berdewam li bajêrkê Sedr li malan digerin. Ceneralê Amerîkî Joseph Fil Jrî got ev du rojên pêşîn yên wê bizava linav bajêrkê Sedr destpêkeke baş bû û çi bexwedan li dijî wan nebûye.
