Polîsên Îspanî demeke zûtir ya îro Înê, li bajarokê Cambrils ya başûrê Berselona, 5 êrîşvanên berguman kuştin.
Bûyera îro li heman cîhê ku mîlîtanekî îslamî otomobîla xwe ajotibû ser pêyayan û 13 kes kuştibûn, qewimî.
Rêvebirên polîsên Berselonayî ragihand ku dema lêgerîna ajotvanê otomobîlê didoma, wan 5 berguman li Cambrils ya 120 km başûrê Barselona kuştin û pêşî li êrîşeke nû girtin.
Karbidestên ewlehî da zanîn ku wan 5 kes hewil da ku bi trombîla xwe têkevin nav turîstan û wan bikujin. Dema otomobîla wan wergerîya, hinek ji wan dest bi kêrkirina sîvîlan kirin.
Di encama êrîşên Cambrils de jineke Îspanî hate kuştin, jimareke sîvîl û polîsek jî birîndar bûn. Polîsan qayişên xwekujî yên ser êrîşvanan jî rûxandin, lê dû re hate dîtin ku ew kemberên sexte bûne.
